Hytaý Halk Respublikasynyň Başlygy Si Szinpin ABŞ-nyň Kaliforniýa ştatynyň San-Fransisko şäherine bardy. Ol bu ýerde Aziýa-Ýuwaş ummany ykdysady hyzmatdaşlyk forumynyň ýokary derejeli duşuşygyna gatnaşar.
HHR-iň Başlygy Si Szinpini Kaliforniýa ştatynyň gubernatory Gawin Nýusom, ABŞ-nyň maliýe ministri Janet Ýellen we beýleki resmi adamlar garşylady.
“Sinhua” habarlar gullugynyň habar bermegine görä, Si Szinpin ABŞ-nyň Prezidenti Jo Baýden bilen duşuşar. Bellenilişi ýaly, ABŞ-nyň we Hytaýyň döwlet ýolbaşçylary soňky gezek 2022-nji ýylyň noýabrynda Indeoniýazynyň Bali adasynda “Uly-20-ligiň” sammitiniň çäginde duşuşypdy.
Aziýa-Ýuwaş ummany ykdysady hyzmatdaşlyk forumynyň nobatdaky sammiti “Hemmeler üçin ýaşamaga ukyply we durnukly geljegi döretmek” şygary bilen geçirilýär. Sammit 15-17-nji noýabrda San-Fransiskoda geçiriler. Bu gurama Hytaý we ABŞ bilen bir hatarda 21 döwlet girýär.
Aziýa-Ýuwaş ummany ykdysady hyzmatdaşlyk forumy – sebitleýin ykdysady forum bolup, 1989-njy ýylda Aziýa-Ýuwaş ummany sebitiniň ýurtlarynyň arasyndaky özara baglanyşygy pugtalandyrmak üçin döredildi.