2022-2023-nji möwsümiň iň gowy futbolçysyna berilýän “Altyn pökgi” baýragynyň ýeňijisi şu gün belli bolar. 19 ýyldan soňra ilkinji gezek bu baýraga dalaşgärleriň hatarynda meşhur portugal futbolçy Kristiano Ronaldo ýok.
“France Football” žurnaly tarapyndan berilýän “Altyn pökgi” baýragynyň gowşurylyş dabarasy Pariž şäherindäki “Şatle” teatrynda geçiriler. Bu dabara Aşgabat wagty 23:00-da başlanar.
Bu baýraga hödürlenen dalaşgärleriň doly sanawy: Erling Holand, Kewin de Bruýne, Bernarda Silwa, Ruben Diaş, Ýoşko Gwardiol, Hulian Alwares, Rodri, Jud Bellingem, Winisius, Luka Modriç, Jamal Musaila, Garri Keýn, Kin Min Je, Nikola Barella, Lautaro Martines, Ilkaý Gündogan, Robert Lewandowski, Bukaýo Saka, Martin Edegor, Hwiç Kwarasheliýa, Wiktor Osimhen, Kilian Mbappe, Randal Kolo-Muani, Lionel Messi, Karim Benzema, Ýassin Bunu, Antuan Grizzman, Emiliano Martines, Andre Onana we Mohamed Salah.
Bu baýraga mynasyp boljak esasy dalaşgär hökmünde ýene-de Lionel Messi görkezilýär. Portugaliýanyň hüjümçisi Kristiano Ronaldo 2004-nji ýyldan bäri ilkinji gezke bu baýraga dalaşgärleriň hatarynda görkezilmedi.
Ilki-ilkiler, bu baýraga diňe Ýewropanyň futbolçylary hödürlenýärdi. 1995-nji ýyldan soňra ony Ýewropanyň futbol toparlarynda çykyş edýän islendik milletiň futbolçylaryna gowşuryp başladylar. 2007-nji ýylda islendik futbolçy bu baýraga mynasyp bolmak hukugyna eýe boldy.
2010-2015-nji ýyllda bu baýrak Halkara Futbol Federasiýasy (FIFA) bilen bilelikde gowşuryldy. 2016-njy ýylda bolsa, Halkara Futbol Federasiýasy aýratynlykda, “France Football” žurnaly aýratynlykda baýrak gowşurýar.
Häzirki wagta çenli bu baýragy iň köp Lionel Messi gazandy. Onuň baýraklarynyň sany 7-ä deň. Messiniň ýaşyl meýdançadaky esasy bäsdeşi Ronaldo bolsa, bu baýraga 5 gezek mynasyp boldy.