Mälim bolşy ýaly, düýn Halkara futbol federasiýasynyň (FIFA) prezidenti Janni Infantino özüniň Türkmenistana ilkinji saparyny amala aşyrdy. Bu saparyň çäklerindäki duuşyklar baradaky habarlary “Atavatan Türkmenistan” žurnalynyň “www.atavatan-turkmenistan.com” saýtynyň okyjylar köpçüligine yzygiderli ýetirip durduk.
FIFA-nyň prezidentiniň Aşgabada amala aşyran sapary barada bu guramanyň resmi saýtynda hem degişli habarlar bilen şöhlelendirildi. Şonda FIFA-nyň prezidentiniň Türkmenistana ilkinji saparyny amala aşyrandygy, Janni Infantinonyň belläp geçişi ýaly, FIFA-nyň Türkmenistan üçin ägirt uly taslamarynyň bardygy, şeýle hem Türkmenistanyň futbol boýunça ýaşlar ýygyndy toparynyň (23 ýaşa çenli) “Aziýa Kubogy — 2022” atly abraýly halkara ýaryşda üstünlikli çykyş edendigi bellenilýär.
“Şu gün Türkmenistanda, şu ajaýyp Aşgabat şäherinde bolanyma örän şat. Türkmenistanyň Prezident bilen duşuşanym üçin buýsanýaryn “-diýip, ilkinji gezek Türkmenistana sapar eden jenap Infantino aýtdy.
“Türkmenistan üçin uly taslamalarymyz bar” -diýmek bilen Infantino Türkmenistanyň futbol ýurdudygyna aýratyn ünsi çekdi.