Russiýa Federasiýasynyň çäklerinde ilkinji maýmyn mama keseli ýüze çykdy. Bu barada “Rospotrebnadzor” gullugynyň metbugat merkezi habar berdi.
Bu kesel Ýewropadan gelen ýaş adamda ýüze çykdy. Ol lukmanylyk edarasyna ýarawsyzlygy sebäpli ýüz tutupdyr.
Bu kesel bilen kesellän adam lukmançylyk edarasynda karantin çäresine tabyn edildi.
Häzirki wagta çenli dünýäde 2000-den gowrak maýmyn ýokançlygy tassyklandy. Bu seýrek wirus maýmynlardan we gemrijilerden, beýleki adamlardan hem ýokaşýar.
Russiýada ýüze çykan bu kesel bilen kesellän adam ýokançylygy ýeňil görnüşde geçirýär. “Rospotrebnadzor” gullugy bu adam bilen ýakyn aragatnaşykda bolan ähli şahslaryň lukmançylyk gözegçiligine alnandygyny habar berdi.
Bütindünýä Saglygy Goraýyş Guramasynyň baş direktory Tedros Anadom Gebreyesusyň aýtmagyna görä, şu ýylyň başyndan bäri dünýäniň 48 ýurdunda maýmyn ýokançlygy bilen 3,2 müňden gowrak ýokaşma keseli hasaba alyndy.
https://www.atavatan-turkmenistan.com/beyik-britaniyanyn-taze-premyer-ministri-kim-bolar/