Braziliýaly Uolter Ortmann 84 ýyldan gowrak şol bir kompaniýada işledi. Ol bu kompaniýa 15 ýaşynda işe durupdy. Bu barada Ginnesiň rekordlar kitabynda bellenilip geçildi.
Uolter “ReneauxView” kompaniýada ýük gatnadyjynyň kömekçisi hökmünde 1938-nji ýylyň 17-nji ýanwarynda işe başlady. Ol maşgalasyna maliýe taýdan kömek bermek maksady bilen ir ýaşynda işe giripdi.
Ol nemes dilini bilýändigi üçin ýuwaş-ýuwaşdan karýerasynyň basgançaklary bilen ýokary galýar. Ol wagtyň geçmegi bilen satyjy, soňra söwda boýunça menejer bolýar.
2022-nji ýylyň 19-njy aprelinde Uolter Ortmann 100 ýaşady. Ol ýubileý ýaşyny dogan garyndaşlary we işdeş ýoldaşlary bilen belläp geçdi. Oňa şol bir kompaniýada uzak wagtlap işländigi üçin Ginnesiň rekordlar kitaby tarapyndan degişli şahadatnama berildi.
THY: Stambul-Aşgabat-Stambul ugry boýunça ýörite gatnaw