Şu ýylyň 11-nji maýynda “Türkhowaýollary” awiakompaniýasy Stambul-Aşgabat-Stambul ugry boýunça ýörite uçar gatnawyny amala aşyrmagy meýilleşdirýär.
Türkiýäniň “Türkhowaýollary” awiakompaniýasynyň Aşgabatdaky şahamçasynyň Halkara “Atavatan Türkmenistan” žurnalynyň www.atavatan-turkmenistan.com saýtyna beren habaryna görä, nobatdaky ýörite gatnaw Stambul-Aşgabat-Stambul ugry boýunça amala aşyrylar.
Mundan ozal hem habar berşimiz ýaly, “Türkhowaýollary” awiakompaniýasy 1-nji maýda Stambul-Türkmenbaşy-Stambul ugry boýunça gatnawyny ýerine ýetirer.
Yzygiderli size ýetirýän habarlarymyzdan hem görnüşi ýaly, soňky döwürde halkara uçar gatnawlarynyň sany yzygiderli artýar. Ýakynda ýene-de birnäçe ýörite gatnawlaryň amala aşyrylmagy göz öňünde tutulýar.
Şu gün amala aşyrylýan Aşgabat -Moskwa, şeýle hem Moskwa-Türkmenabat ýörite uçar gatnawlaryny hem ýatlap geçmek ýerlikli bolsa gerek.
Yzygiderli size ýetirýän habarlarymyzdan hem görnüşi ýaly, soňky döwürde halkara uçar gatnawlarynyň sany yzygiderli artýar. Moskwa, Minsk, Kazan we Stambul ugurlary boýunça ýörite gatnawlar ýerine ýetirilýär.