Şu gün hormatly Prezidentimiz Ministrler Kabinetiniň Başlygynyň käbir orunbasarlarynyň gatnaşmagyna iş maslahatyny geçirdi.
“Watan” habarlar gepleşiginde bellenilip geçilişi ýaly, dutar ýasamak senetçiligini hem-de dutarda saz çalmak we bagşyçylyk sungatynyň ÝUNESKO-nyň Adamzadyň maddy däl medeni mirasynyň sanawyna girizilmegi mynasybetli güwanamanyň ýurdumyza gelip gowuşmagy mynasybetli käbir ýolbaşçylara tabşyryklar berildi.
Bu babatda Ministrler Kabinetiniň Başlygynyň orunbasary S.Toýlyýew üçin şu tabşyryklar berildi:
- Magtymguly adyndaky Türkmen döwlet uniwersitetinde hem-de Seýitnazar Seýdi adyndaky Türkmen döwlet mugallymçylyk institutynda ÝUNESKO-nyň kafedralaryny döretmek boýunça işleri çaltlandyrmaly:
- ÝUNESKO-nyň mekdepleri assosiasiýasyna ýurdumyzyň umumybilim berýän orta mekdepleriniň käbirini girizmek boýunça alyp barýan işleri güýçlendirmeli:
- halkymyzyň dünýä medeniýetini goşan goşandyny, maddy hem ruhy medeniýetine düýpli öwrenmek we giňden wagyz etmek işlerini güýçlendirmeli:
- şöhratly taryhymyzy, edebiýatymyzy, aýdym-saz sungatymyzy dürli döwürlerde ýazylan çeşmelerde we arheologik tapyndylarda duş gelýän maglumatlar esasynda halkara ylmy jemgyýetçiligine giňden ýetirmeli.
Ahalteke atlary, alabaý itleri, keÅŸdeçilik sungaty ÃUNESKO-nyň sanawyna giriziler