Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Türkmenistanyň Milli Geňeşiniň Halk Maslahatynyň mejlisini geçirdi. Onda guramaçylyk meselelerine seredildi.
“Watan” habarlar gepleşiginde bellenilip geçilişina görä, hormatly Prezidentimiz Halk Maslahatynyň Diwanynda Türkmenistanyň Milli Geňeşiniň Halk Maslahatynyň mejlisini geçirdi. Bu mejlisiň barşynda Adam hukuklaryny we azatlyklaryny goramak baradaky komitetiň başlygy M.Taganowyň Türkmenistanyň adalat ministri wezipesine bellenmegi bilen baglylykda, Adam hukuklaryny we azatlyklaryny goramak baradaky komitetiň başlygy wezipesine saýlamak meselesine seredildi.
Halk Maslahatynyň agzalarynyň hödürlemeginde Dünýägözel Gulmanowa Türkmenistanyň Milli Geňeşiniň Halk Maslahatynyň Adam hukuklaryny we azatlyklaryny goramak baradaky komitetiniň başlygy wezipesine saýlandy.
Şeýle hem Seýdi Jumaýew Türkmenistanyň Milli Geňeşiniň Halk Maslahatynyň Adam hukuklaryny we azatlyklaryny goramak baradaky komitetiniň başlygynyň orunbasarlygyna saýlandy.
Hormatly Prezidentimiz bular baradaky degişli resminamalara gol çekdi.