Türkmenistanyň Milli Geňeşiniň Mejlisiniň başlygy G.Mämmedowa ýurdumyzyň kanunçylyk binýadyny kämilleşdirmek boýunça milli parlamentiň alyp barýan işleri barada hasabat berdi. Bu barada “Watan” habarlar gepleşiginde bellenilip geçildi.
Häzirki wagtda Türkmenistanyň Milli Geňeşiniň Mejlisiniň 6-njy çagyrylyşynyň 22-nji maýda geçiriljek 14-nji maslahatyna taýýarlyk görülýär.
Maslahatda “Türkmenistanyň Garaşsyzlygynyň 30 ýyllygyna” atly Türkmenistanyň ýubileý medalyny döretmek hakynda, “Garaşsyz Türkmenistanyň Watan goragçysy” atly Türkmenistanyň ýubileý medalyny döretmek hakynda, “Döwlet-hususy hyzmatdaşlyk”, “Bilim hakynda” rejelenen görnüşdäki we başga-da birnäçe kanunçylyk namalarynyň ara alnyp maslahatlaşylmagy, birnäçe kanunçylyk namalaryna üýtgetmeler hem-de goşmaçalar girizmek hem-de Mejlisiň birnäçe kararlaryna garamak göz öňünde tutulýar.