Pasport resmileşdirmek üçin Türkmenistanyň raýatlaryndan talap edilýän resminamalar:
16 ýaşa ýetip ilkinji gezek pasport alýan raýatlar üçin:
- Dogluş hakynda şahadatnama.
- Ene-atasynyň ýa-da ýeke-täk enesiniň, atasynyň pasporty we nusgasy.
- Hususy jaýda ýaşaýan bolsa öý kitaby.
- Pasport bermek barada Görnüş-1 belgili arza we ýazga goýmaklyk üçin gelmekligiň salgy ýazmajy (pasport birliginde ýerinde doldurylýar we tassyklanylýar).
- Döwlete, pudak edaralaryna degişli jaýlarda ýaşaýan bolsa öý dolandyryş edaralarynda, oba ýerlerinde geňeşliklerde Görnüş-1 belgili arza doldurylyp tassyklanýar we ýazga goýmak üçin ýazgy ýazmajy Görnüş-16 we gelmekligiň salgy ýazmajy doldurylýar.
- Harby hasaba alnandygy barada şahadatnamasy (oglanlar üçin).
- Ýazga goýmak üçin döwlet pajy 30 manat.
- Pasport üçin töleg 25 manat (tölegler pasport birliklerinde terminalda tölenip bilner).
- 35х45 mm. 2 sany surat.
Türkmenistanyň raýatlygyna kabul edilen we Türkmenistanyň raýatlygynda dikeldilen raýatlar üçin:
- Türkmenistanyň Döwlet migrasiýa gullugynyň Türkmenistanyň raýatlygyna kabul edilendigi ýa-da Türkmenistanyň raýatlygynda dikeldilendigi baradaky kepilnamasy.
- Pasport bermek barada Görnüş-1 belgili arza.
- Ýazga goýmaklyk üçin gelmekligiň salgy ýazmajy.
- Hususy jaýda ýaşaýan bolsa öý kitaby.
- Döwlete, pudak edaralaryna degişli jaýlar bolsa ýazgy ýazmajy Görnüş-16.
- Pasport üçin töleg 25 manat. Eger-de öň ýazgyda durmadyk bolsa döwlet pajy 30 manat.
- 35х45 mm. 2 sany surat.
Ýitirilen (ogurlanan, ýanan) pasportlaryň ýerine täze pasport bermek üçin:
- Pasportyň ýitirilendigi (ogurlanandygy, ýanandygy) barada ýaşaýan ýeri boýunça polisiýa bölümine arza.
- Pasport bermek barada Görnüş-1 belgili arza.
- Ýazga goýmaklyk üçin gelmekligiň salgy ýazmajy.
- Hususy jaýda ýaşaýan bolsa öý kitaby.
- Döwlete, pudak edaralaryna degişli jaýlar bolsa ýazgy ýazmajy Görnüş-16.
- Pasporty ýitirendigi üçin administratiw jogapkärçilik. Duýduryş ýa-da 100 manada çenli jerime.
- 35х45 mm. 2 sany surat.
- Nika hakynda şahadatnama, nusgasy bilen.
Bellik: Eger-de raýatlar tarapyndan pasportyň ogurlanandygy barada degişli Polisiýa bölüminden we pasportyň ýanandygy barada ýangyn gullugyndan kepilnama bolan ýagdaýynda raýatlar administratiw jogapkärçilikden boşadylýar.
Pasport ulanmaga ýaramsyz bolan ýagdaýynda:
- Ulanmaga ýaramsyz pasport.
- Pasport bermek barada Görnüş-1 belgili arza.
- Ýazgysyny goýmaklyk üçin gelmekligiň salgy ýazmajy.
- Hususy jaýda ýaşaýan bolsa öý kitaby.
- Döwlete, pudak edaralaryna degişli jaýlar bolsa ýazgy ýazmajy Görnüş-16.
- Pasportyň bilkastlaýyn zaýalanandygy sebäpli ulanmaga ýaramsyz bolandygy üçin administratiw jogapkärçilik. Duýduryş ýa-da 100 manada çenli jerime.
- 35х45 mm. 2 sany surat.
Familiýasyny, adyny, atasynyň adyny, milletini üýtgedenler ýa-da ýazgylarda nätakyklar ýüze çykarlan halatynda:
- Öňki pasporty.
- Pasport bermek barada Görnüş-1 belgili arza.
- Hususy jaýda ýaşaýan bolsa öý kitaby.
- Döwlete, pudak edaralaryna degişli jaýlar bolsa ýazgy ýazmajy Görnüş-16 we gelmekligiň salgy ýazmajy.
- Familiýasyny, adyny, atasynyň adyny üýtgedenligi barada RÝNÝ (ZAGS) bölümleri tarapyndan berlen şahadatnama.
- Milletini üýtgeden raýatlar üçin häkimligiň karary
- Pasportdaky ýazgylarda nätakyklar ýüze çykarylan halatynda şol ýagdaýlary tassyklaýan resminama.
- Pasport üçin töleg 25 manat.
- 35х45 mm. 2 sany surat.
Çeşme: asuda.gov.tm
Çaganyň dogluşyny döwlet tarapyndan bellige aldyrmak barada maglumat