Seýitnazar Seýdi adyndaky Türkmen döwlet mugallymçylyk instituty 2021-2022-nji okuw ýylynda okuwa girmek isleýän ýaşlary şu ýylyň 24-nji aprelinde we 15-nji maýynda geçiriljek «AÇYK GAPYLAR» gününe çagyrýar. Bu barada “Türkmenistan” gazetinde bildiriş çap edildi.
«Açyk gapylar» günlerinde ýaşlara hormatly Prezidentimiziň milli bilim ulgamyny kämilleşdirmek babatda durmuşa ornaşdyrýan düýpli özgertmeleri, Türkmenistanda sanly bilim ulgamyny ösdürmegiň Konsepsiýasyna laýyklykda, ýokary okuw mekdebinde alnyp barylýan işler, şeýle hem taýýarlyk ugurlary, olara degişli hünärler, okuw-usuly, ylmy-barlag, terbiýeçilik, medeni-köpçülik işleri hem-de okamak, ýaşamak, medeniýetli dynç almak, sport bilen meşgullanmak babatda institutda döredilen şertler barada giňişleýin maglumat berler.
«Açyk gapylar» günleri görkezilen salgyda sagat 15:00-da başlanýar.
Salgysy: Türkmenabat şäheriniň Şabende köçesiniň 7-nji jaýy.
Telefon belgileri: 3-04-21; 3-67-02; 3-25-44.
Seýitnazar Seýdi adyndaky Türkmen döwlet mugallymçylyk instituty baradaky maglumatlar bilen (www.tdmugi.edu.tm) web-saýtynda tanşyp bilersiňiz.