Elwis Presliniň Şwesiýada ýasalan gitarasy 500 müň dollara satyldy. 2003-nji ýylda ABŞ-da geçirilen söwda satuwynda 29 müň 375 dollara satylan aýdym-saz dünýäsiniň şasy Elwis Presliniň gitarasy düýn ABŞ-da geçirilen auksionda 500 müň dollara täzeden satyldy.
1968-nji ýylyň ýanwar aýynda Şwesiýanyň Almadalen şäherinde ýasalan gitara şol ýylyň fewral aýynda Preslä iberildi.
Presli 1977-nji ýylyň 16-njy awgustynda 42 ýaşynda aradan çykypdy.
Mälim bolşy ýaly, “Warner Bros. Pictures” kino kompaniýasy tarapyndan Elwis Presliniň durmuşy barada film surata düşürilýär. Bu filmiň 2021-nji ýylyň 5-nji noýabrynda görkezilmäge başlanmagyna garaşylýar. Filmde dünýä belli aktýor Tom Hanks hem Elwis Presliniň menejeriniň keşbini janlandyrýar.