Ýewropanyň öňdebaryjy ýaryşlarynyň biri hasaplanýan UEFA-nyň Çempionlar ligasynda 1/4 final tapgyryna galan toparlar belli boldy. Bu tapgyra Angliýadan 3. Germaniýadan 2, Ispaniýa, Portugaliýa we Fransiýadan 1 topar çykmagy başardy.
Çempionlar Ligasynyň 1/4 finalyna Lionel Messi hem-de Kristiano Ronaldo ýaly dünýäniň iň ökde futbolçylarynyň toparlary çykyp bilmedi. Olara derek ýyldyzlaşyp gelýän Kilian Mbappe hem-de Erling Holand ýaly futbolçylaryň toparlary bar.
1/4 final tpagyryna “Liwerpul”, “Mançester Siti”, “PSŽ”, “Real”, “Borussiýa”, “Porto”, “Bawariýa” we “Çelsi” ýaly toparlar çykdy.
19-njy martda bijek çekilişik geçiriler. Şondan soňra 1/4 final duşuşyklarynyň ilkinji oýuny 6-7-nji aprelde, jogap duşuşyklary bolsa 13-14-nji aprelde geçiriler.
Tomas Tuheliň ýolbaşçylygyndaky “Çelsi” toparynyň Ispaniýanyň öňdebaryjysy “Atletiko” toparyny ýaryşdan galdyrmagy köpleri haýran galdyrdy.
Ýeri gelende aýtsak, geçen ýylyň Çempionlar ligasynyň çempiony “Bawariýa” topary 19-njy gezek 1/4 final tapgyryna çykyp, bu ugurda rekord goýdy.