2019-2020-nji ýylyň möwsüminde Angliýanyň “Premýer-liga” futbol çempionatyny ikinji orunda tamamlan “Manseçter Siti” topary tomusky transfer möwsüminde täze futbolçylary öz hataryna goşmak üçin 330 million ýewro sarp etmegi meýilleşdirýär.
Şonuň netijesinde, topar möwsümiň ilkinji transferini amala aşyrdy. Ispaniýanyň “Walensiýa” toparynyň futbolçysy Ferran Torres bilen şertnama baglaşyldy. Bu barada “Manseçter Siti” toparynyň resmi internet saýtynda hem bellenilip geçilýär.
Torres bilen 5 ýyllyk şertnama baglaşylyp, munuň üçin 23 million ýewro sarp edildi. Ferran Torres “Walensiýa” toparynyň ýetişdiren oýunçylarynyň biri bolup, soňky 3 möwsümden bäri toparyň düzüminde ýokary ligada çykyş edýär. Torres “Walensiýanyň” düzüminde 44 duşuşykda çykyş etdi.
Angliýanyň çempionatynda hem-de Ýewropaky ýaryşlarda üstünlik gazanmak isleýän “Manseçter Siti” topary Italiýanyň “Napoli” toparynyň goragçysy Kalidou Kulibalini hem-de “Bormunt” toparynyň goragçysy Nathan Akeni satyn almakçy. Şeýle hem topar hüjümçileriniň hataryny hem güýçlendirmegi meýilleşdirýär.