Ýewropanyň Futbol Assosiasiýasynyň Bileleşigi (UEFA) tarapyndan gurnalýan Ýewropanyň öňdebaryjy futbol çempionatlarynyň toparlarynyň arasynda geçirilýän 3-nji derejeli Konferensiýa ligasynyň kubogyny almak ugrundaky ýaryşyň final duşuşygy geçirildi.
Onda Angliýanyň “West Hem” topary bilen Italiýanyň “Fiorentina” topary duşuşdy. Dewid Moýesiň tälim berýän “West Hem” topary 1980-nji ýyldan soňra kubok gazanmagy başardy. Şol ýyl bu topar Angliýanyň kubogyny gazanypdy.
Praga şäherindäki duşuşygyň 62-nji minutynda Said Benrahma bilen “Fiorentina” topary öňe saýlandy. Jakomo Bonawenturanyň 67-nji minutda hem-de 90-njy minutda Žerrod Boueniň geçiren gollary bilen “West Hem” topary özüniň esasy hem-de halkara kubogyny gazandy.
Toparyň tälimçisi Dewid Moýes bolsa, öz karýerasynda ikinji kubogyny gazandy. Ol 2013-nji ýylda “Mançester Ýunaýted” topary bilen Angliýanyň Naýbaşy kubogyny gazanypdy.
Angliýanyň milli futbol çempionatyny 12-nji orunda tamamlan “West Hem” topary Ýewropanyň öňdebaryjy kubogyny gazandy. Şeýlelikde, geljek möwsümde Angliýadan 8 topar Ýewropanyň kubok ýaryşlarynda çykyş eder. “West Hem” topary geljek ýyl Ýewropa ligasynda oýnar.