Mukaddes Garaşsyzlygymyzyň 35 ýyllyk şanly toýunyň şatlyk-şowhuny halkymyzyň göwün guşuny ganatlandyrýar. Dünýäniň çar künjegine ýaýran daşary ýurtly türkmen doganlarymyzyň baýramçylyk dabaralaryna gatnaşmagy Garaşsyzlyk baýramynyň many-mazmunyny has-da artdyrýar.
Şu gün — 19-njy sentýabrda Jemgyýetçilik guramalarynyň merkezi binasynda Dünýä türkmenleriniň ynsanperwer birleşiginiň XXVII maslahaty geçirildi. Maslahata daşary ýurtlardaky türkmen kowçumlaryndan wekilleriň gatnaşmagy «Garaşsyz, baky Bitarap Türkmenistan — bedew batly at-myradyň mekany» ýylynyň şanly wakalarynyň üstüni ýetirdi.
Dünýäniň çar künjegine ýaýran daşary ýurtly türkmen doganlarymyzyň Watan gymmatlygy baradaky çykyşlary ýüreklerde orun aldy. Garaşsyz, baky Bitarap Türkmenistan döwletimiziň dünýäniň ýüzünde dost-doganlygyň mekany hökmünde şan-şöhratynyň barha artýandygy baradaky söhbetler toý-baýramly günlerimize täze öwüşgin çaýdy.
Ýurdumyzyň sungat ussatlarynyň ýerine ýetiren şowhunly aýdym-sazlarynda ýurt asudalygy, ösüşli-özgerişli zamanamyz wasp edildi. Dünýä türkmenleriniň ynsanperwer birleşiginiň XXVII maslahatyna gatnaşyjylar hormatly Prezidentimiziň adyna Ýüzlenme kabul etdiler.