Futbol boýunça Ýewropa çempionatynda Ispaniýadan soňra Italiýa hem ýarym finala çykdy. Ýewropa çempionaty başlan gününden bäri garşydaş toparlaryny ýeňip gelýän Italiýa çärýek finalda çempionatyň güýçli toparlaryndan Belgiýanyň ýygyndysyny 2:1 hasabynda utdy.
Italiýanyň golalryny 31-nji minutda Nikola Barella, 44-nji minutda bolsa Lorenzo Insinýa geçirdi. Belgiýanyň goly bolsa 45+2-nji minutda Romelu Lukaku 11 metrlik jerime urgusyndan geçirdi.
Duşuşygyň ikinji ýarymynda gol bolmady. Şeýlelikde Italiýa ýarym finala çykan ikinji topar boldy.
6-njy iýulda sagat 00:00-da Angliýanyň “Uembli” stadionynda ýarym finalda Ispaniýa bilen Italiýa duşuşar.