Wengriýa Türkmenistanyň tebigy gazynyň Ýewropa iberilmegine gyzyklanma bildirýär. Bu barada Aşgabatda resmi saparda bolýan Wengriýanyň Premýer-ministri Wiktor Orbanyň ýolbaşçylygyndaky wekiliýetiň düzüminde bolan daşary işler we daşary söwda ministri Peter Siýýarto belläp geçdi.
TASS habarlar gullugynyň bellemegine görä, wenger ministri türkmen tebigy gazyna häzirki Ýewropanyň energiýa mätäçliginiň mümkin bolan çözgütleriň biri hökmünde garaýandyklaryny belledi. Onuň aýtmagyna görä, Türkmenistan baý energiýa çeşmelerine eýedir. Şunuň bilen baglylykda, Wengriýanyň türkmen gazynyň Ýewropa iberilmegine mümkinçilik döretjek infrastrukturanyň gurluşygyna uly gyzyklanma bildirýändigini belledi.
Türkmenistanyň tebigy gazynyň TransAnadoly gaz geçirijisi arkaly geçirilmegi babatda Türkmenistan, Türkiýe we Azerbaýjan bilen gepleşikler geçirildi.
Wengriýanyň hökümeti diwersifikasiýa syýasatyna laýyklykda, energiýa göterijileriň täze çeşmelerini gözleýär we bu babatda Azerbaýjan we Katar ýaly döwletler bilen hyzmatdaşlyk gatnaşyklaryny ýola goýmaga çemeleşýär.