Ukrainaly boksçy Aleksandr Usik agyr agramda professional boksçylaryň arasynda çempionlyk derejesini gorady. Saud Arabystanynyň Er-Riýad şäherinde ukrain boksçy Aleksandr Usik bilen Beýik Britaniýanyň boksçysy Taýson Fýuriniň arasynda jogap tutluşygy boldy.
12 döwden ybarat boks tutluşygynda emin agzalarynyň çykaran netijesi boýunça Aleksandr Usik ýeňiş gazandy. Iňlis boksçy Fýuri jogap tutluşygynda hem ýeňiş gazanmak başartmady.
Mälim bolşy ýaly, şu ýylyň 19-njy maýynda bu iki boksçy duşuşypdy we şol duşuşykda-da ukrain boksçy Aleksandr Usik ýeňiş gazanypdy.
37 ýaşyndaky Usik Bütindünýä boks assosiasiýasy (WBA) we Bütindünýä boks guramasy (WBO) boýunça dünýä çempiony guşagyny 4-nji gezek goramagy başardy. Şeýle hem ol ilkinji gezek Bütindünýä boksa geňeşiniň (WBC) kemerini gazandy.
Usik mundan ozal 90,71 kg agramda WBO, IBF, WBA we WBC ugurlary boýunça çempionlyk guşaklarynyň eýesidir.
36 ýaşynda Taýson Fýuri professional meýdançada 2-nji gezke ýeňlişe sezewar boldy. Onuň hasabyna 34 ýeňiş bar we şolaryň 24-inde garşydaşlaryny nokaut bilen ýeňipdi.
“TALKsport” britan portalynyň habaryna görä, bu gezekki tutluşygyň umumy pul baýragy 191 million dollara barabardyr. Bu serişdeleriň 114 million dollary ýeňiş gazanan ukrain boksçy Usige degişli bolar. 76 million dollar bolsa, Fyurä berler.
Birinji duşuşykda Usik 40 million dollar, Fýuri bolsa 110 million dollar gazanypdy.