Dünýä belli “Twitter” jemgyýetçilik tory kompaniýasynyň esaslandyryjylaryndan Jek Dorsi adybir kompaniýanyň baş direktory wezipesinden gidýändigini mälim etdi.
– Men eýeleýän wezipämden gitmeli wagtyň gelendigi üçin şeýle karara geldim – diýip, Dorsi özüniň jemgyýetçilik hasabyndan beýan etdi. Şeýle hem ol mundan beýläk kompaniýanyň baş direktorlygyny Parag Agrawal alyp barar. Ol ozal, bu kompaniýanyň tehniki direktory wezipesinde işleýärdi.
“Twitter” jemgyýetçilik tory ABŞ-nyň “Odeo” kompaniýasynyň işgärleri Jek Dorsi, Noa Glasson, Ewan Uilýams we Biz Stoun tarapyndan esaslandyryldy. bu jemgyýetçilik tory arkaly ilkinji habarnamany 2006-njy ýylyň 21-nji martynda Jek Dorsi “Öz “Twitter” hasabyny sazlaýaryn” diýen sözlem bilen dünýä jar edipdi. Ol 2021-nji ýylda şol jemgyýetçilik torundaky ilkinji habarnamasyny auksionda 2,9 million dollara satypdy.
Dorsi 2006-2008-nji ýyllarda bu kompaniýanyň baş direktory bolupdy. Soňra täzeden bu wezipä 2015-nji ýylda saýlandy.
“Forbes” žurnalynyň maglumatyna görä, Dorsiniň emälgi 11,8 milliard dollara deňdir. 2021-nji ýylyň üçünji çärýeginiň maglumatyna laýyklykda, her gün “Twitter” jemgyýetçilik toruny tutuş dünýäde 211 million adam peýdalanýar.