DÜNÝÄ

Türkmenistanyň we Rumyniýanyň DIM-leriniň ýolbaşçylary telefon arkaly gepleşikleri geçirdiler

2025-nji ýylyň 14-nji noýabrynda Türkmenistanyň Daşary işler ministri Raşid Meredow bilen Rumyniýanyň Daşary işler ministri Oana Toýunyň arasynda telefon arkaly söhbetdeşlik geçirildi.

Telefon söhbetdeşligiň barşynda taraplar türkmen-rumyn gatnaşyklarynyň häzirki ýagdaýyny we geljegini ara alyp maslahatlaşmak bilen, syýasy, söwda-ykdysady we ynsanperwer ugurlarda hyzmatdaşlygy giňeltmäge özara gyzyklanma bildirýändiklerini bellediler. Iki ýurduň daşary syýasat edaralarynyň arasynda yzygiderli gatnaşyklary saklamagyň ähmiýeti aýratyn nygtaldy.

Türkmenistanyň we Rumyniýanyň halkara we sebit guramalarynyň, ilkinji nobatda BMG-niň we ÝB-niň çäklerinde netijeli hyzmatdaşlyk edýändigi bellenildi.

Ministrler şu ýylyň 12-nji dekabrynda Aşgabatda geçiriljek Halkara parahatçylyk we ynanyşmak forumyna taýýarlyk meselelerine hem garadylar.

Related posts

Stambul şäherinde Türkmenistanlylar raýdaşlyk jemgyýeti döredildi

Dr.Döwran Orazgylyjov

Türkmenistanda ählihalk bag ekmek dabarasynyň güýzki möwsümine badalga berildi

ABŞ-nyň wekiliýetiniň Türkmenistana sapary

Ata Watan Eserleri