Şu gün hormatly Prezidentimiz sanly ulgam arkaly Ministler Kabinetiniň mejlisini geçirdi. Onda hormatly Prezidentimiziň Ýaponiýa boljak iş saparyna görülýän taýýarlyk barada hasabat berildi.
“Watan” habarlar gepleşiginde bellenilip geçilişi ýaly, Türkmenistan bilen Ýaponiýanyň arasyndaky diplomatik gatnaşyklar 1992-nji ýylyň 22-nji aprelinde ýola goýuldy.
Soňky 15 ýylyň dowamynda durmuşa geçirilen bilelikdäki iri taslamalar ikitaraplaýyn ykdysayd hyzmatdaşlygyň netijelidigine şaýatlyk edýär. Gazhimiýany, elektrik energetikany, ulag ulgamy, suw hojalygyny strategik türkmen-ýapon hyzmatdaşlygynyň ileri tutulýan ugurlarynyň hatarynda görkezmek bolar.
Ýaponiýanyň Daşary işler ministrliginiň habar bermegine görä, Türkmenistanyň Prezidenti Serdar Berdimuhamedow Osakada geçiriljek “EKSPO-2025” Bütindünýä sergisiniň çäklerinde Türkmenistanyň Milli gününe gatnaşmak üçin Ýaponiýa saparynyň 13-15-nji aprel aralygynda boljakdygyny belleýär.
Türkmenistanyň Prezidenti saparyň çäklerinde Ýaponiýanyň Imperatory hem-de Premýer-ministri Işiba Şigeru bilen duşuşyklary bolar.