Halkara futbol taryhy we statistika federasiýasy (IFFHS) tarapyndan geçirilen seljermelerden soňra Türkmenistanyň ähli döwürdäki simwoliki ýygyndysy düzüldi.
Şol ýygyndynyň derwezeçisi hökmünde Wiktor Kuroçkin saýlandy. Goragçylar: Wladimir Kuramşin, Wiktor Kuznesow, Baýram Durdyýew, Wýaçeslaw Wowk. Ýarymgoragçylar: Sergeý Agaşkow, Ýakub Urazsahatow, Gurban Berdiýew, Dmitriý Homuha, Waleriý Broşin.
Şol ýygyndyda hüjümçi hökmünde Röwşen Muhadow saýlandy.
Futbol guramasy tarapyndan simwoliki ýygyndy 4-5-1 shemasynda düzüldi. Bu düzüliş futbol meýdançasynyň orta gürpüne has köp ähmiýet bermek maksady bilen düzülen futbol düzülişidir.
Halkara futbol taryhy we statistika federasiýasy 1984-nji ýylyň 27-nji martyndan bäri futbol taryhynyň senenamasyny taýýarlap gelýär. Onuň merkezi binasy Germaniýanyň Bonn şäherinde ýerleşýär.