Ozal hem habar berlişi ýaly, «Agzybirlik Tilsimaty» bilelikdäki kärhanasy Hytaýyň «Tong Fang» kompaniýasy bilen hyzmatdaşlykda dürli ölçeglerdäki kompýuterleri, monitorlary, noutbuklary we beýleki enjamlary öndürýär.
«Nesil» gazetinde habar berlişi ýaly, Türkmenistanda öndürilýän kompýuterleriň ekranlary 23 dýuýmdan 27 dýuýma çenli ölçegde bolup, görnüşine baglylykda, Core i3, i5, i7 prosessoryna eýedir. Mundan başga-da bu ýerde 43, 65, 75, 98 dýuýmlyk, FMHD, 2K we 4K durulykly interaktiw okuw tagtalarynyň hem önümçiligi ýola goýuldy. Olar buýrujynyň islegine görä, «Android» ýa-da «Windows» operasion ulgamynda işleýärler.
Şeýle-de AT planşetleriniň önümçiligine başlanyldy. Ýakyn wagtlarda olar hem halk köpçüligine ýetiriler. Bilelikdäki kärhana ýurdumyzyň dürli künjeklerindäki söwda nokatlaryny AT söwda enjamy bilen üpjün etmegi hem maksat edinýär.
Eýsem, «Agzybirlik tilsimatynda» öndürilýän tehnologik gurluşlar nähili kuwwata eýe? Geliň, içgin tanyş bolalyň!
«AT-P15» modelli kompýuteri. «Intel Core i7» prosessorly, «Windows 10» operasion ulgamynda işleýär, 8 GB tizlik ýadyna we 256 GB SSD 2 TB HDD ýadyna eýe, «GTX 1050» wideokartasy bilen üpjün edilen.
AT kompýuterimiz. «Intel Core i5» prosessorynda, «Windows 10» operasion ulgamynda işleýär, 8 GB tizlik ýady we 1 TB HDD ýady bilen üpjün edilen, «GTX 1050» wideokartasy oturdylan.
AT monitor. 1920×1080 60Hz ölçegine eýe, LED 23,8 ekran bilen üpjün edilen.
AT söwda enjamy. Düzümine kassa enjamy, ştrih-kod skaneri, çykyş printeri hem-de AT KB660B klawiaturasy girýär.
AT planşetleri. 7, 8 hem-de 10 dýuým ölçegde. «Android» operasion ulgamda işleýär, Wi-Fi mümkinçiligi bar.
Sungat we medeniýet ulgamyna degişli täzelikler medeniýet sahypamyza ýerleşdirilendir!
