Koreýa Respublikasynyň «Daewoo Engineering & Construction Co., Ltd» kompaniýasy Türkmenistanda Merkezi Aziýanyň ilkinji gök ammiak öndürýän senagat desgasyny gurmagy meýilleşdirýär. Bu barada kompaniýanyň metbugat beýanatynda bellenilýär.
Golaýda Koreýa Respublikasynyň «Daewoo Engineering & Construction Co., Ltd» kompaniýasynyň esaslandyryjysy we müdiriýetiniň başlygy Jong Won-ju Türkmenistanda saparda bolup, birnäçe möhüm gepleşikler geçirdi.
Koreý kompaniýasy Balkan welaýatynda gök ammiak öndürýän karbamid-ammiak dökün zawodyny gurmagy teklip etdi. Bu zawod Merkezi Aziýada ilkinji desga bolup, Ýewropa ekologiýa taýdan arassa dökün ibermäge giň mümkinçilik döreder.
Bu zawodyň gurluşygy boýunça şertnamanyň şu ýylyň ahyryna çenli baglaşylmagyna garaşylýar.
Gök ammiak – dökün öndürmekde kömürturşy gazyny almak we saklamak arkaly alnan arassa ammiakdyr.
Geçen ýyl “Türkmenhimiýa” döwlet konserni bilen Koreýa Respublikasynyň «Daewoo Engineering & Construction Co., Ltd» kompaniýasynyň arasynda Balkan welaýatynda 1.15 million tonna karbamid döküni we 660 müň tonna sintetiki ammiak öndürmek boýunça zawodyň gurluşygy babatda özara düşünişmek hakynda ähtnama gol çekilipdir.