Türkmenistanyň Müftüsiniň müdiriýeti bilen Saud Arabystanynyň haj we umra ministrligi 2026-njy ýylda türkmen raýatlarynyň haj zyýaratyna iberilişini guramak tertibini kesgitleýän ylalaşyk baglaşdylar. Bu barada Saud Arabystanyndaky Türkmenistanyň Ilçihanasy habar berýär.
Resminama gol çekmek dabarasy Türkmenistanyň müftisi Ýalkap Hojagulyýew bilen Saud Arabystanynyň Haj we Umra işleri ministriniň orunbasary Abdulfatta Al-Maşadyň arasynda geçirilen duşuşykda amala aşyryldy.
2025-nji ýylyň 9 – 12-nji noýabr aralygynda Jidda şäherinde Haj we umra hyzmatlaryna bagyşlanan bäşinji maslahat we sergi geçirilýär. Çärä 85-den gowrak döwletiň wekilýeti bilen bir hatarda Türkmenistandan müftisi Ýalkap Hojagulyýewiň ýolbaşçylygyndaky wekiliýet hem gatnaşýar.