2025-nji ýylyň ýanwar–noýabr aýlarynda Türkmenistan bilen Özbegistanyň arasyndaky haryt dolanyşygy 1 milliard 64,4 million ABŞ dollaryna deň boldy. Bu görkeziji geçen ýylyň degişli döwri bilen deňeşdirilende 33 million ABŞ dollaryna köpdür. Bu barada Özbegistanyň Milli statistika komitetiniň resmi saýtynda habar berilýär.
Şu ýylyň 11 aýynda Özbegistan bazaryna Türkmenistandan 926,2 million ABŞ dollaryna barabar harytlar iberildi. Şeýlelikde, Türkmenistan Özbegistana import boýunça 8-nji orny eýeledi.
Hasabat döwründe goňşy ýurtdan Türkmenistana import edilen hyzmatlaryň we harytlaryň bahasy 138,2 million ABŞ dollaryna deň boldy. Bu görkeziji geçen ýylyň degişli döwri bilen deňeşdirilende 27,8 million ABŞ dollaryna köpdür.
Mundan ozal şu ýylyň 10 aýynda iki ýurduň arasyndaky özara haryt dolanyşygynyň 876,8 million ABŞ dollaryna ýetendigini habar beripdik. Şeýlelikde, noýabr aýynda türkmen-özbek haryt dolanyşygynyň ep-esli artandygyny görmek bolýar (187,6 million ABŞ dollary).