Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow German ykdysadyýetiniň Gündogar komitetiniň ýerine ýetiriji direktory Mihael Harms bilen duşuşdy. Bu barada “Watan” habarlar gepleşiginde habar berildi.
Duşuşykda Türkmenistan bilen Germaniýanyň arasyndaky söwda-ykdysady hyzmatdaşlyk gatnaşyklary barada pikir alşyldy.
Türkmen halkynyň Milli Lideri bilen duşuşykdan soňra habarçylar bilen söhbetdeşliginde German ykdysadyýetiniň Gündogar komitetiniň ýerine ýetiriji direktory Mihael Harms Türkmenistan bilen Germaniýanyň arasyndaky ykdysady hyzmatdaşlyk meselelerini ara alyp maslahatlaşandyklaryny aýtdy.
Biz geçen ýyl Germaniýa bilen Türkmenistanyň arasyndaky strategik hyzmatdaşlyk kartasyny işläp taýýarladyk. Ol 50-den gowrak taslamalary özünde jemleýär. Bular – energetika, himiýa, oba hojalygy, Ýewropa bilen Hytaýyň arasyndaky ulag geçelgesi, ýaşyl ykdysadyýete geçmek, suw hojalygyny döwrebaplaşdyrmak meselelerini öz içine alýar we ençeme örän ähmiýetli ugurlardyr. Duşuşykda bu taslamalaryň ählisi boýunça pikir alyşdyk.
Türkmenistan Merkezi Aziýa sebitinde biziň esasy hyzmatdaşlarymyzyň biri bolup durýar. Bu sebit soňky wagtlarda, elbetde tutuş Ýewropa üçin has möhüm sebite öwrüldi.