Türkmenistanyň Gazagystandaky Adatdan daşary we Doly ygtyýarly ilçisi Batyr Rejepow we Gazagystanyň “Bolaşak” halkara maksatnama merkeziniň dolandyryş geňeşiniň ýolbaşçysy Olžas Sakenow bilen duşuşdy. Bu barada Türkmenistanyň Gazagystandaky ilçihanasynyň resmi saýtynda bellenilip geçilýär.
Duşuşyga gatnaşyjylar ylmy we bilim pudagyndaky ýurtlaryň arasyndaky ikitaraplaýyn gatnaşyklaryň yzygiderli ösmegine ünsi çekdiler, şeýle hem Türkmenistan we Gazagystan Respublikasynyň uniwersitetleriniň hyzmatdaşlygy maksatnamalarynyň mümkinçiliklerini ýokarlandyrmak barada pikir alyşdylar.
Öz gezeginde Gazagystanyň “Bolaşak” halkara talyp haky maksatnamasynyň başlygy O. Sakenow 2023-nji ýylyň 10-12-nji oktýabry aralygynda Aşgabatda geçiriljek «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergisi we ylmy maslahatyna gatnaşmak isleýändiklerini belledi.
Gazak tarapynyň belläp geçmegine görä, bu halkara meýdança Gazagystan Respublikasynyň wekilçilikli toparyna Gazagystanyň ýokary okuw mekdeplerinde bakalawr, magistratura, aspirantura we ikinji ýokary bilim mümkinçilikleri barada giňişleýin gepleşikler geçirmäge şert döreder.
Duşuşygyň jemleri boýunça taraplar hyzmatdaşlygyň ähli ugurlary boýunça işjeň gatnaşyklary saklamak boýunça taýaýrdyklaryny bellediler.