DÜNÝÄ

Türkmenistan bilen Belarus oba hojalygyndaky hyzmatdaşlygy maslahatlaşdy

Belarus Respublikasynyň Ilçisi Stanislaw Çepurnoý Türkmenistanyň Ministrler Kabinetiniň Başlygynyň oba hojalygy boýunça orunbasary Tangryguly Atahallyýew bilen duşuşdy. Bu barada Belarusyň Daşary işler ministrligi habar berdi.

Taraplar oba hojalygy babatynda ýurtlaryň arasynda hyzmatdaşlyk meselelerini, şeýle hem türkmen wekiliýetiniň Belarusyň agro-senagat hepdeligine we «BELAGRO–2026» atly XXXVI Halkara ýöriteleşdirilen sergisine gatnaşmagyny ara alyp maslahatlaşdylar.

Mundan başga-da, weterinariýa, tohumçylyk we maldarçylyk ugurlarynda gatnaşyklary işjeňleşdirmäge özara gyzyklanma tassyklanyldy.

Häzirki wagtda Belarus dünýäde azyk howpsuzlygyny doly üpjün edýän seýrek ýurtlaryň biridir, şol bir wagtyň özünde-de obasenegat önümleriň iri eksportçysy bolup çykyş edýär. Belarus önümleri dünýäniň 100-den gowrak ýurdunyň bazarlarynda, şol sanda Türkmenistanda hem hödürlenýär. Umuman alanyňda, Belarus oba hojalyk önümlerini takmynan 8 milliard ABŞ dollary möçberinde eksport edýär.

Related posts

Eýranyň Prezidenti: Türkmenistan bilen hyzmatdaşlygyň ösdürilmegi ugrunda ähli tagallalar ediler

Ata Watan Eserleri

“Ýuwentus” wagtyndan öň çempion edilip bilner

Ata Watan Eserleri

Ermenistanyň Prezidenti we Nepalyň Premýer-ministri Türkmenbaşa geldi

Ata Watan Eserleri