Türkmenistanyň wekiliýeti Birleşen Arap Emirlikleriniň Abu-Dabi şäherinde geçirilen 14-nji ýyllyk maýa goýum forumyna (AIM Kongresi) gatnaşdy.
Şu ýyl “Global maýa goýumlaryň geljegi: Globallaşan maýa goýum landşaftynyň täze ugry – täze deňagramly dünýä gurluşyna tarap” mowzugy astynda geçirilýän foruma 180 ýurtdan 20000 töweregi wekil gatnaşdy.
Forumyň çäklerinde Türkmenistanyň Ministrler Kabinetiniň Başlygynyň orunbasary H. Geldymuradow BAE-niň daşary söwda boýunça döwlet ministri Tani bin Ahmed Al Zeýudi bilen duşuşdy.
Duşuşykda Al Zeýudi Türkmenistanyň BAE-niň Merkezi Aziýada möhüm söwda hyzmatdaşydygyny belläp, soňky ýyllarda iki dostlukly ýurduň arasynda yzygiderli ösüşe eýe bolýandygyny belledi.
Taraplar gaýtadan dikeldilýän energiýa, ulag we başgalar ýaly esasy pudaklarda hyzmatdaşlygyň geljegi uly ugurlaryny ara alyp maslahatlaşdylar.