Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Birleşen Arap Emirliklerinde resmi saparda boldy. Bu saparyň çäklerinde iki ýurduň arasynda dürli ugurlarda hususan-da, ýangyç -energetika, bank işi, syýahatçylyk we beýleki ugurlarda hyzmatdaşlyk gatnaşyklaryny has-da pugtalandyrmaga degişli möhüm çözgütler kabul edildi.
Bu saparyň çäklerinde ýurdumyzyň wekiliýetiniň agzalary BAE-niň degişli ministrlikleridir kompaniýalarynda gepleşikler geçirdi.
Şoňa laýyklykda, Türkmenistanyň Döwlet daşary ykdysady iş banky bilen Abu-Dabiniň Birinji bankynyň (First Abu-Dhabi bank) arasynda korrespondent hasabyny açmagyň we ýöretmegiň şertleri hem-de tertibi hakynda Ylalaşyga gol çekildi.
Bu ylalaşyga Türkmenistanyň Döwlet daşary ykdysady iş bankynyň müdiriýetiniň başlygy Rahymberdi Jepbarow bilen Abu-Dabiniň Birinji bankynyň ýolbaşçysy Muhammed Saif Al Suwaidi gol çekdi.