JEMGYÝET

«Türkmenhowaýollary» agentligi halkara ynsanperwer howa gatnawlaryny utgaşdyrýar

Türkmenistan halkara ýardam etmek ýörelgelerine hem-de hemişelik oňyn Bitaraplyk syýasatyna ygrarly bolmak bilen, soňky günlerde Ýakyn Gündogarda emele gelen ýagdaý bilen baglylykda, uçuş ugurlaryny üýtgetmäge mejbur bolan daşary ýurt awiakompaniýalary üçin öz howa giňişliginden päsgelçiliksiz peýdalanmagy gyssagly we netijeli üpjün edýär. Bu barada «Türkmenhowaýollary» agentligi habar berýär.

“Türkmenhowaýollary” agentligi tarapyndan daşary ýurt awiakompaniýalarynyň uçarlarynyň Aşgabat halkara howa menziline gonmagy üçin rugsatlar wagtynda we çalt berilýär. Türkmenistanyň Daşary işler ministrligi, Türkmenistanyň Döwlet migrasiýa gullugy hem-de beýleki döwlet edaralary bilen bilelikde degişli işler alnyp barylmagynyň netijesinde türkmen-eýran serhet nokatlaryndan başlap, Aşgabadyň Halkara howa menziline çenli päsgelçiliksiz geçelge üpjün edilýär.

Daşary ýurt döwletleriň ilçihanalary we diplomatik edaralary öz raýatlaryny hem-de goňşy ýurtlaryň raýatlaryny ulag bilen üpjün etmek maksady bilen Aşgabadyň Halkara howa menzilinden ýörite gatnawlary gurnaýarlar. “Türkmenhowaýollary” agentligi tarapyndan diplomatik wekilhanalara, uçarlaryň ekipažlaryna giň goldaw berilýär we ýolagçylar ýokary derejeli hyzmatlar bilen üpjün edilýär.

Şunuň bilen baglylykda, Türkmenistan halkara kanunçylyga hem-de ynsanperwerlik ýörelgelerine ygrarlydygyny, şeýle hem çylşyrymly halkara ýagdaýlarynda raýdaşlygyny we goldawyny görkezýär.

Ýene-de okaň

«Türkmenistanyň Bitaraplygynyň 30 ýyllygyna» atly ýubileý medaly döredildi

Türkmenistanda ýolbaşçy düzümler 1-nji awgustdan başlap dynç alşa çykar

Gallaçylaryň zähmet ýeňşiniň hormatyna

Talyp-2025: dalaşgärler üçin saglyk öýleri

Talyp-2025: Giriş synaglary üçin zerur bolan resminamalar

Ata Watan Eserleri

Türkmenistanda 2025-2026-njy okuw ýyly üçin okuwa kabul ediş möwsümi başlaýar

Ata Watan Eserleri