Ženewada geçirilen Halkara Zähmet Maslahatynyň 114-nji mejlisiniň çäklerinde Türkmenistanyň Zähmet we ilaty durmuş taýdan goramak ministri Muhammetseýit Silapow bilen Halkara Zähmet Guramasynyň (HZG) Baş direktory Gilbert Hungbo arasynda gepleşikler geçirildi.
Duşuşyk türkmen wekiliýetiniň 1-nji iýundan bäri Şweýsariýanyň paýtagtynda geçirilýän işjeň gepleşikleriniň yzygiderli dowamy boldy. Taraplar hyzmatdaşlygyň esasy ugurlaryny jikme-jik ara alyp maslahatlaşyp, milli zähmet bazaryny döwrebaplaşdyrmak hem-de durmuş goragynyň öňdebaryjy standartlaryny ornaşdyrmak meselelerine aýratyn üns berdiler.
Bu gepleşik häzirki Halkara Zähmet Maslahatynyň gün tertibiniň çäklerinde aýratyn ähmiýete eýe boldy. Sebäbi maslahata gatnaşýan 187 ýurduň wekilleri çalt ösýän tehnologiýalar, emeli aňyň giňden ornaşmagy we platforma ykdysadyýetiniň şertlerinde zähmetkeşleriň hukuklaryny goramak boýunça çözgütleri gözleýärler.
Söhbetdeşligiň dowamynda Muhammetseýit Silapow bilen Gilbert Hungbo özara hyzmatdaşlygy mundan beýläk-de giňeltmäge taýýardyklaryny tassykladylar.