DÜNÝÄ

Türkmen-özbek gatnaşyklarynyň möhüm meseleleri ara alnyp maslahatlaşyldy

2024-nji ýylyň 15-nji noýabrynda Daşkent şäherinde Türkmenistanyň daşary işler ministriniň orunbasary A.Gurbanow bilen Özbegistan Respublikasynyň daşary işler ministri B.Saidowyň arasynda duşuşyk geçirildi.

Duşuşykda taraplar iň ýokary derejedäki dostlukly we ynamdar syýasy gepleşiklere esaslanýan ikitaraplaýyn gatnaşyklaryň depginli ösüşini bellediler. Şu nukdaýnazardan, Türkmenistanyň Prezidentiniň, şeýle hem türkmen halkynyň Milli Lideri, Türkmenistanyň Halk Maslahatynyň Başlygynyň we Özbegistan Respublikasynyň Prezidentiniň arasynda şu ýylda geçirilen duşuşyklaryň dowamynda gazanylan ylalaşyklaryň durmuşa geçirilişiniň barşyna garaldy.

Bilelikdäki iş üçin uly mümkinçiliklere eýe bolan söwda-ykdysady ugurdaky hyzmatdaşlygy güýçlendirmeklige aýratyn üns berildi. Şunuň bilen baglylykda, Söwda-ykdysady, ylmy-tehniki we medeni hyzmatdaşlyk boýunça bilelikdäki hökümetara toparynyň hem-de iki ýurduň milli önümleriniň sergilerini geçirmegiň ähmiýeti bellenildi.

Ýangyç-energetika pudagynda hyzmatdaşlygy çuňlaşdyrmak meselelerine hem garaldy. Mundan başga-da medeni-ynsanperwer ugurdaky hyzmatdaşlyk hem ara alyp maslahatlaşyldy.

Taraplar dürli ugurlarda ikitaraplaýyn özara bähbitli gatnaşyklary işjeňleşdirmäge ygrarlylyklaryny beýan etdiler.

Ýene-de okaň

ABŞ-nyň dollarynda Trampyň suratyny ýerleşmek üçin kanun taslamasy

Türkmenistan-Bütindünýä banky: hyzmatdaşlygyň esasy ugurlary maslahatlaşyldy

Türkmenistan bilen Özbegistan durmuş goraglylygy pudagynda hyzmatdaşlygyny giňelder

Parahatçylygy wagyz etmekde jemgyýetçilik torlarynyň mümkinçilikleri ulanylýar

Konsullyk, serhet we gümrük meseleleri boýunça hökümetara türkmen-eýran toparynyň mejlisi

Halkara Zähmet Guramasynyň ýokary derejeli wekiliýetiniň Aşgabada sapary