Tatarystan Respublikasynda saparda bolýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Tatarystana ýene 2 jübüt alabaý ibermek kararyna gelendigini habar berdi.
Tatarystan Respublikasynyň Baştutany Rustam Minnihanow türkmen halkynyň Milli Liderine özüne sowgat edilen Akdost atly alabaýy görkezdi. Bu barada Tatarystan Respublikasynyň Baştutanynyň metbugat gullugynyň başlygy Liliýa Galimowa habar berdi.
Türkmen halkynyň Milli Lideri alabaý itleriniň gazanýan üstünliklerine buýsanyp, Tatarystana ýene-de 2 jübüt alabaý iberjekdigini habar berdi.
Türkmenistanyň Halk Maslahatynyň Başlygy Gurbanguly Berdimuhamedow Tatarystan Respublikasynyň Baştutany Rustam Minnihanowa 2021-nji ýylda Akdost atly ak reňli alabaý itini sowgat beripdi.
Tatarystan Respublikasynyň Baştutany Rustam Minnihanow yzygiderli bu alabaý iti baradaky maglumatlary özüniň jemgyýetçilik tory arkaly habar berýärdi.