2026-njy ýylyň 10–12-nji fewraly aralygynda Aşgabatda takmynan 100 kompaniýa we birleşigiň gatnaşmagynda türk eksport harytlarynyň 12-nji sergisi geçiriler. Serginiň açylyş dabarasyna Türkiýe Respublikasynyň söwda ministri Ömer Bolatyň ýolbaşçylygyndaky resmi wekiliýetiň gatnaşmagyna garaşylýar.
Bu sergi türk kompaniýalaryna öz önümlerini Türkmenistan bazarynda tanyşdyrmak we işewürlik mümkinçiliklerini giňeltmek üçin meýdança hödürlemegi maksat edinýär.
Ähli türkmen kompaniýalary ýokary hilli türk önümleri bilen tanşmak we türk firmalary bilen hyzmatdaşlygyň geljegini bahalandyrmak maksady bilen bu çärä gatnaşmaga çagyrylýar.
Şeýle hem, Ömer Bolatyň Türkmenistana saparynyň çäklerinde birnäçe duşuşyklary geçirmegi göz öňünde tutulýandygy bellenilýär.