Bütindünýä sergisini geçirmäge degişli arzany taýýarlamak we tabşyrmak jogapkärçiligi ABŞ-nyň döwlet sekretary Marko Rubioya ynanyldy. ABŞ-nyň prezidenti Donald Tramp “EKSPO-2035” bütindünýä sergisini geçirmek üçin resmi arza berjekdiklerini belledi. Degişli beýanaty ol “Truth Social” jemgyýetçilik tory arkaly habar berdi.
«Amerikanyň Birleşen Ştatlarynyň “EKSPO-2035” bütindünýä sergisini geçirmek üçin hödürnama bermäge gyzyklanýandygyny bellemek isleýärin», — diýip, Tramp belläp geçdi. Onuň aýtmagyna görä, Florida ştatynyň häkimiýeti bu giň gerimli sergini Maýamide geçirmek meselesine gyzyklanma bildirdiler.
«Men muny doly goldaýaryn», — diýip, amerikan lideri belledi. Tramp bütindünýä sergisini geçirmek boýunça arzany taýýarlamak we tabşyrmak jogapkärçiligini ABŞ-nyň döwlet sekretary, «Maýamide doglan Marko Rubio» tabşyrdy.
“EKSPO” bütindünýä sergisi — ýurtlara özlerini tutuş dünýä tanatmaga mümkinçilik berýän iň iri halkara çäre bolup, onda tehnologiýa we ylym babatda iň soňky gazanylan üstünlikler, medeni hem-de täze binagärlik eserleri görkezilýär. Soňky ýyllarda bütindünýä sergileri açyk diplomatiýa we milli brend üçin möhüm meýdança bolup çykyş edýär.
2025-nji ýylda bütindünýä sergisi Ýaponiýanyň günbataryndaky Osaka şäherinde geçirildi, 2030-njy ýylda bolsa Er-Riýadda geçiriler.