Elektrikli awtoulaglaryna bolan isleg barha ýokarlanýar. Ýaponiýanyň senagat birleşikleri, ýagny “Toyota” we “Panasonic” kompaniýalary elektrikli awtoulaglarda täze hyzmatdaşlygy yglan etdiler. Beýanata görä, iki ýapon öndürijisi litiý-ion batareýalaryny ösdürerler. Göz öňünde tutulýan batareýalar gibrid awtoulaglarda ulanylar. 2022-nji ýylda taýýar boljak batareýalar Ýaponiýada öndüriler. Ýaňy ýakynda “Toyota” we “Panasonic” kompaniýalary bilelikde “Prime Planet Energy & Solutions” atly kompaniýa döretdiler. Onda “Toyota” kompaniýasy 51 göterim paýyna, “Panasonic” bolsa 49 göterim paýyna eýedir.
Ýaponiýada ýerleşýän “Prime Planet Energy & Solutions” zawodynyň ýyllyk önümçilik kuwwatynyň 500 000 batareýa barabardygy aýdylýar. Beýleki tarapdan Ýaponiýanyň iň uly awtoulag öndürijisi “Toyota” geçen aý her ýyl elektrik ulagynyň satuwynyň 2025-nji ýylda 5,5 million birlige çenli ýokarlanjakdygyny we munuň garaşylýandan 5 ýyl öň boljakdygyny habar berdi.
“Ýyldyzlar näme diýýär” –eger bu soragyň jogaby Sizi gyzyklandyrýan bolsa onda bu sahypamyzy yzygiderli yzarlaň!
