ABŞ-nyň basketbol boýunça milli ýygyndysynyň hüjümçisi Kewin Dýurant Tokioda geçiriljek Olimpiýa oýunlarynyň iň köp hak tölenýän türgeni boldy. Bu barada “Forbes” žurnaly degişli reýtingi düzdi. ABŞ-ly türgeniň geçen ýylky girdejisi 75 million dollara deň boldy.
32 ýaşly türgen 3-nji gezek ABŞ-nyň milli ýygyndysynyň düzüminde Olimpiýa oýunlaryna gatnaşýar. Ol bu ýygyndy bilen 2012-nji hem-de 2016-njy ýyllarda olimpiýa çempiony bolupdy.
Sanawda ikinji orny ýapon tennisçi Naomi Osaka eýeledi. Onuň girdejisi 60 million dollara deňdir. Üçünji orny ýene-de ABŞ-nyň basketbol boýunça milli ýygyndysynyň türgeni Damian Lillard (40.5 mln $) eýeledi.
Şeýle hem bu sanawda serb tennisçi Nowak Jokowiç (34.5 mln$), britan golýfçy Rori Makilroý (32 mln$), amerikaly basketbolçy Dewin Buker, ýapon tennisçi Keý Nisikori (30 mln$) we ABŞ-nyň basketbol boýunça milli ýygyndysynyň ýene-de 2 basketbolçysy – Kris Middlton (27 mln $) we Džru Holideý (23 mln$) bar.
19-njy iýulda ýyldyzlar näme diýýär? Gündelik Täleýnama