Ýaponiýanyň paýtagty Tokioda ahyrlap gelýän Olimpiýa oýunlarynda ABŞ-nyň basketbol boýuçna milli ýygyndysy final duşuşygynda ýeňiş gazanyp, altyn medlay gazandy. ABŞ-nyň ýygyndysy final duşuşygynda Fransiýanyň ýygyndysy 87-82 hasabynda utup, 4-nji gezek Olimpiýa çempiony boldy.
Mälim bolşy ýaly, ABŞ-nyň ýygyndysy Tokiodaky Olimpiýa oýunlaryna ýeňliş bilen başlapdy we Fransiýanyň ýygyndysyndan asgyn gelipdi. Bu gezek final duşuşygynda ABŞ-nyň ýygyndysy güýçlidigini görkezdi. ABŞ-nyň ýeňiş gazanmagynda toparyň düzümindäki iň güýçli basketbolçysy Kewin Durant uly goşant goşdy.
Şeýlelikde ABŞ-nyň ýygyndysy 2008-nji ýyldaky Pekin Olimpiýa oýunlary, 2012-nji ýyldaky London Olimpiýa oýunlary, 2016-njy ýyldaky Rio Olimpiýa oýunlaryndan soňra Tokioda hem ýeňiş gazanmagy başardy.
ABŞ-nyň erkek ýygyndysy umuman 20 gezek Olimpiýa oýunlaryna gatnaşyp, şonuň 16-synda ýeňiş gazandy.
Tokiodaky Olimpiýa oýunlarynda medallaryň sanawynd ahytaý öňde barýar. Olaryň altyn medalynyň sany 38-e deňdir.
| № | Ýurt | Altyn | Kümüş | Bürünç | Jemi |
|---|---|---|---|---|---|
| 1 | Hytaý | 38 | 30 | 17 | 85 |
| 2 | ABŞ | 34 | 36 | 32 | 102 |
| 3 | Ýaponiýa | 25 | 12 | 16 | 53 |
| 4 | Beýik Britaniýa | 20 | 21 | 21 | 62 |
| 5 | Russiýa | 18 | 25 | 23 | 66 |