Türkiýe Respublikasynyň Palatalar we biržalar birleşiginiň (TOBB) başlygy Rifat Hisarjyklyogly Türkmenistanyň Türkiýe Respublikasyndaky Adatdan daşary we Doly ygtyýarly ilçisi Mekan Işangulyýew bilen duşuşdy.
TOBB-yň resmi internet sahypasynda orun alan habara görä, Rifat Hisarjyklyogly bilen Türkmenistanyň ilçisi Türkmenistan bilen Tükriýäniň arasyndaky söwda-ykdysady hyzmatdaşlyk gatnaşyklaryny ara alyp maslahatlaşdy.
Duşuşygyň dowamynda Türkmenistanyň ilçisi TOBB-yň başlygy Rifat Hisarjyklyoglyna Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň “Türkmeniň döwletlilik ýörelgesi” atly kitabynyň türk dilindäki neşirini sowgat berdi.
Öz gezeginde TOBB-yň başlygy Rifat Hisarjyklyogly bolsa, Türkmenistanyň ilçisine “Dädem Gorkut” kitabyny sowgat berdi.
Mälim bolşy ýaly, 2022-nji ýylyň 15-nji dekabrynda Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Türkiýäniň Palatalar we biržalar birleşiginiň başlygy Rifat Hisarjyklyoglu bilen duşuşypdy. Bu duşuşyk “Awaza” milli syýahatçylyk zolagynda geçirilen Türkmenistanyň-Türkiýäniň-Azerbaýjanyň döwlet Baştutanlarynyň üçtaraplaýyn sammitiniň geçirilen döwründe bolupdy.
Türkiýäniň işewürler düzümleri Türkmenistanda amala aşyrylýan giň gerimli özgertmeler maksatnamasyny durmuşa geçirmäge işjeň gatnaşýarlar.