ABŞ-nyň kazyýeti Atlantika ummanynyň düýbünde ylmy-gözleg işlerini geçirip, «Titanigiň» böleklerini öwrenmäge we Markoni telegrafyny almaga rugsat berdi.
«The Washington Post» neşiriniň habaryna görä, Wirjiniýa federal kazyýeti ABŞ-nyň «RMS Titanic Inc» kompaniýasynyň Markoni simsiz telegrafyny almagyny makullady. Bu telegraf enjamy 1912-nji ýylda gäminiň ekipažy tarapyndan howply ýagdaýlarda kömek çagyrmak maksady bilen ulanylypdyr.
Ekspedisiýa bu işde suwaty robotlaryndan peýdalanar. Gözleg-barlag işleri şu ýylyň tomsunda başlanar. Aýdylyşy ýaly, ýörite topar telegrafy täzeden işletmäge çalşar.