Türkmenistanyň Garaşsyzlygynyň şanly 34 ýyllygyna hem-de hemişelik Bitaraplygymyzyň ýubileý 30 ýyllygyna gabatlanyp, ABŞ-da neşir edilen “Makul iňlisçe–türkmençe” sözlük baradaky habarlar türkmen metbugatynda neşir edilip başlandy.
Türkmen, rus hem-de iňlis dillerinde ýurdumyzdaky we dünýädäki habarlary gyzgyny bilen okyjylar köpçüligin ýetirýän “Türkmenistan Habarlar portaly” (THP) neşirinde hem “Makul” sözlük barada habar hem rus hem-de türkmen dillerinde ýerleşdirildi.
Habarda jemi 16 500 iňlis dilindäki sözleri we olaryň on müňlerçe türkmen dilindäki terjimelerini özünde jemleýän sözlügiň diňe umumy sözler bilen çäklenmän, hukuk, işewürlik, lukmançylyk, sport, emeli intellekt ýaly ugurlardaky ýöriteleşdirilen adalgalary hem öz içine alýandygy bellenilýär.
Şeýle hem habarda sözlügiň dünýä belli “Amazon” platformasyndan satyn almagyň elýeterli bolandygy bellenilýär.
“Makul iňlisçe–türkmençe sözlük” Amerikada neşir edildi we “Amazon” platformasynda satuwa çykaryldy
Frederik Starr: “Makul Sözlük”dil köprüsine möhüm goşant bolup hyzmat eder