ABŞ-nyň elektrik awtoulag öndürijisi “Tesla” kompaniýasynyň girdejisi 2021-nji ýylda 5,5 milliard dollara barabar boldy.
Kompaniýanyň 2021-nji ýyldaky girdejisi öňki ýyl bilen deňeşdirilende, 665 göterim ýokarlandy we 5,5 milliard dollarlyk rekord derejä ýetdi.
Geçen ýylyň dördünji çärýeginde “Tesla”-nyň girdejisi hem geçen ýylyň degişli döwri bilen deňeşdirilende 65 göterim ýokarlanyp, 17,7 milliard dollara ýetdi.
ABŞ-nyň awtoulag öndürijisi 2021-nji ýylda dünýäde 936 müňden gowrak awtoulagy müşderilerine gowşurdy.
Kompaniýa öz beýanatynda “Kovid-19” ýokanjy sebäpli awtoulaglaryň müşderilere eltip berilmeginde emele gelýän kynçylyklaryň dowam edýändigi, şonuň üçin üstümizdäki ýylyň dowamynda önümçiligiň çäklendirilmeginiň mümkindigi mälim edildi.