ABŞ-ly elektrik awtoulag öndürijisi “Tesla” kompaniýasy 2021-nji ýylyň üçünji çärýegindäki ykdysady görkezijilerini mälim etdi. Şoňa görä, “Tesla” kompaniýasynyň şu ýylyň üçünji çärýeginde girdejisi geçen ýylyň degişli döwri bilen deňeşdirilende 57 göterim ýokarlandy we rekord derejede 13,8 milliard dollara ýetdi. Kompaniýa geçen ýylyň degişli döwründe 8,8 milliard dollar girdeji gazandy.
Elektrikli awtoulag öndürijisiniň paýnamalarynyň bahasy geçen ýylyň ikinji çärýeginde 0,76 dollar bolan bolsa, şu ýylyň üçünji çärýeginde 1,86 dollara barabar boldy.
“Tesla” iýul-sentýabr aýlarynda 241,300 ulag öndürdi.
Kompaniýanyň beren beýanynda ýarymgeçirijiniň ýetmezçiligi we port dykyzlygy ýaly dürli kynçylyklaryň zawodlaryň doly tizligine täsir edýändigi aýdyldy.