Täze taslamanyñ birinji çempionaty 11-nji iýulda geçiriler. UFC guramasynyñ ýolbaşçysy Dana Uaýt ahyrsoñy geçiriljek duşuşyklaryñ haýsy meýdançada geçiriljekdigini mälim etdi. UFC-nyñ “Twitter” sahypasynda Dana Uaýt wideo-söhbetdeşliginde ähli tutluşyklaryň Birleşen Arap Emirlikleriniñ Abu-Dabi şäheriniñ emeli “Ýas” adasynda geçiriler diýip, belledi. Iýul aýynyñ 11-21-i aralygynda ol ýerde “UFC Fight Island” çempionaty geçiriler. Bu geçiriljek çempionat gatnaşyjylar üçin häzirki koronawirus pandemiýasyndan howpsuz bolar.
“Ýas” adasy “Formula 1” ýaryşlarynyň geçirilýän “Ýas Marina” awtodromy, ýokary şertli ýaşaýyş jaýlary, “Ferrari” atly güýmenje seýilgähi, şeýle hem myhmanhanalary we golf meýdançalary bilen köpleriň ünsüni çekýär.