Hytaýyň “Xiaomi” kompaniýasy täze tehnologiýany işläp düzýär. Şonuň netijesinde ses tolkunlary bilen zarýad bermek mümkinçiligi döreýär.
Zarýad beriş tehnologiýalarynyň ösmegi bilen ilki çalt zarýad beriji enjamlar, soňra bolsa simsiz zarýad berijiler peýda bolup başlady. Hytaýyň smartfon öndürijisi “Xiaomi” kompaniýasy zarýad bermek üçin täze bir tehnologiýany öňe sürýär.
Hytaýyň Milli intellektual eýeçilik dolandyryş gullugynyň (CNIPA) web sahypasynda çap edilen maglumata görä, “Xiaomi” ses tolkunlary bilen telefonlara zarýad bermek üçin täze patent aldy.
Bu tehnologiýanyň esasynda smartfonyň kabul edijisi ýörite akustiki yrgyldylary kabul etmek mümkinçiligine eýe bolar. Kabul edilýän ses tolkunlary batareýany güýçlendirmek üçin elektrik toguna öwrüler.
“Xiaomi”-niň üstünde işleýän täze tehnologiýasy häzirlikçe diňe patent bolup durýar. Şonuň üçin telefonlary ses tolkunlary arkaly zarýad bermek üçin garaşmaly bolmagymyz mümkin.