Angliýanyň “Nýukasl” topary Angliýanyň Liga kubogynyň finalynda “Liwerpul” toparyny 2:1 hasabynda utup, 70 ýyldan soňra bu kubogy gazanmagy başardy.
Angliýanyň meşhur “Uembli” stadionynda geçirilen duşuşykda ýeňiş gazanan toparyň gollaryny 45-nji minutda Den Bern we 52-nji minutda Aleksander Isak geçirdi. “Liwerpulyň” ýeke-täk goly 90+4-nji minutda Federiko Kýezadan geldi.
Şeýlelikde, “Nýukasl” topary öz taryhynda ilkinji gezek Angliýanyň Liga kubogyny gazandy. Topar mundan ozal, bu kubokda 2 gezek finala çykypdy. 1976-njy we 2023-nji ýyllarda bolupdy.
“Liwerpul” topary 2024-nji ýylda bu kubogy gazanypdy. Şeýle hem topar bu kubogy gazanmakda rekorda eýe bolup, 10 gezek 1981, 1982, 1983, 1984, 1995, 2001, 2003, 2012, 2022-nji ýyllarda kubogy gazanypdy.