Germaniýanyň SEFE (Securing Energy for Europe) kompaniýasy Azerbaýjanyň “SOCAR” döwlet gaz kompaniýasy bilen 10 ýyllyk gaz satyn almak baradaky şertnama gol çekdi. Tebigy gaz 2025-nji ýylda iberilip başlanar.
Bu barada SOCAR-yň habaryna salgylanyp “Report” agentligi habar berýär.
“Ýyllyk möçber kem-kemden 15 terawatt-sagada (TWs) çenli artdyrylar, bu bolsa takmynan 1,5 milliard kub metre deňdir. Bu hyzmatdaşlyk önümçilige we gaz kompressory ýaly infrastruktura maýa goýumlaryny goldar, Ýewropa akýan tebigy gazynyň m]cberini artdyrar” diýlip, metbugat beýannamasynda aýdylýar.
“Bu hyzmatdaşlygyň netijesinde, Ýewropa uly möçberde gaz iberiljek täze ugur döredilýär. Munuň özi tebigy gazyň diwersifikasiýalaşdyrmagyna getirer we sarp edijileriň üpjünçilik howpsuzlygyny ýokarlandyrýar” diýip, SEFE-niň ýolbaşçysy Egbert Lege aýtdy.
“SOCAR infrastruktura we önümçilik mümkinçiliklerine maýa goýmaga ygrarly bolmagynda galýar, hyzmatdaşlarymyza ygtybarly we üznüksiz energiýa üpjünçiligini üpjün edýär” diýip, SOCAR-nyň ýolbaşçysy Rowşen Najaf belläp geçdi.